認錯

有時真係唔怪得大老細話我，我出D文件差不多份份都有打錯字我睇唔到!!! 係我自己打既冇乜錯，但我draft俾文員打既就份份改完幾次都仲係錯!! 最衰既係，睇過份文件發現得title錯，俾番文員改。改完番黎對番title冇錯，出街!! 跟手俾大老細彈番轉頭，原來文件中間有野錯!!! 而呢D錯，o係第一次check既時候係冇既…!! 打錯字都小事，有時仲有段同D文件完全冇關既字paste左o係度!! 更奇既係，我俾
老細出街既文件，有錯佢永遠睇唔到，只有大老細先睇到!! 更奇中奇既係，如果D錯大老細都睇唔到，再上多幾個高層都唔會有人睇到，出埋街再反番黎都唔會有人睇到!!
所以，每份文件平均改五次，每次都要由頭再睇過。得幾頁紙既文件都仲好D，有幾百頁既標書就直頭想死喇!!
唉!! 有咩辦法呢??