Appraisal之後

大老細俾我既評語係：
「因為在職位上工作得耐而失去動力，雖要轉換去新既工作崗位。」
新既工作崗位，唔通係洗廁所？
小小力覺得，你不如炒我好過喇！！唔係我一定同你玩到底。
全部人做完Appraisal，平時俾佢鬧到死既一兩個同事突然評語好好！
點解？ 呢Ｄ叫分化！
最後，每一個都冇好下場！
開大會，大老細之上既大大老細公開支持佢！！ 其他經理感覺冇引！！
我感覺公司最小有兩個白癡！
病假龍虎榜出左幾日收番埋，唔通白癡開始自己既真正身份係一個白癡！！小小力正準備請病假，可惜病假龍虎榜已經消失！
何Ｂ女安慰受左大老細氣忍唔住要爆既老細話：「算喇！！花無百日紅！」
小小力在旁說：「可惜你等唔到o個日呢！」
何Ｂ女問小小力幾時過黎幫手，小小力話：「出埋雙糧我都走囉，算吧喇！！」
老細對小小力話：「如果唔變唔好走喇！你走左我死硬！」
小小力話：「我走唔走你都死硬！我走，死你一個！我唔走，死我地兩個，算吧喇！！」