心急人，上

打麻雀既時候，冇乜必要就唔好上牌喇!! 「心急人，上」，一上就露左底，一上就冇得守。心急，就累事喇!!

昨日，評估初步股票市場調整完成入左市，咁，就出事喇!! 唔知係我黑定我判斷差，一入市，人民銀行就無啦啦宣佈加息，次次我入市都有事發生，仲係好突然o個隻，令到我買貴左好多!

心急，真係累事架!!

另一方面，太太話佢朋友係一個完全唔識股票既師奶，但佢買股票就日日有錢賺。好似上星期大跌市o個日，佢就o係大跌千三點o個一刻以最低價$25.5買入中國人壽(係呢下次大跌市既最低位，只係出現左數分鐘) ，而且o係呢個星期反彈以最高位$33.1賣出(大反彈既最高位亦只係出現左數分鐘)，唔只賺，仲賺到盡(30%)。加埋買認股證，大跌既時候佢買跌，大升既時候佢又識買升，唔洗一個星期已經賺一倍!! 佢老公俾幾萬蚊佢，兩個月已經變成幾十萬，依家已經唔洗做。仲話遲D教我太太買股票咁話!! 唔太太問我點解人買股票我買股票，我咁差，賺得咁少!! 哈哈….媽媽聽到太太咁講叫太太唔好俾咁大壓力我!! 太太又話我唔底得佢朋友咁話!!

哈哈!! Well,… 坦白講，我冇乜底得唔底得，反而我覺得呢個師奶既故事似老千局多D(類似果D補藥黨咁)!! 股票市場賺錢，賺好多大有人左!! 但下下賺到盡，佢唔只係股神，簡直係神。我當佢賺少D，一個星期賺15%，咁一年都賺二千幾倍，仲洗做?? 太太話我唔底得，又唔緊要既，我俾幾萬蚊佢跟佢朋友買，如果佢朋友既事係真，一年後我已經有一億，唔好話我唔洗做，連我個仔我個孫都唔洗做，佢養我全家三代喎，我認錯有幾難喎!! Right??