翻譯

從網上用不同翻譯器翻譯一段英文，得出以下結果:
用WorldLingo
我認為人們得到它顛倒，當他們說時毫不含糊僅僅是現實和模棱兩可的不確定性關於什麼是真正地毫不含糊的。 我們在另一個方式附近轉動它： 模棱兩可是現實，并且模棱兩可僅僅是一個特殊情況它，我們最後設法迫使採取某一特別方面的地方。
用Google
我認為人們得到它倒當他們說的毫不含糊的是現實和不確定性的模糊只是什麼是真的毫不含糊的。讓我們把它周圍的其他方式：是的模棱兩可和含糊不清的現實，只是一種特殊情況是，我們終於設法牽制一些非常特殊的方面。
用Window Bing
我認為人得到它顛倒當他們說，明確的是，現實和在不明確只是關於什麼是真的明確的不確定性。 讓我們將它轉身其它方式： 在不明確是現實，在不明確是只是一個特例它的其中我們最後管理銷下某些很特別的方面。
用Yahoo Babel Fish
我認為人们得到它顛倒，當他們說时毫不含糊僅僅是現實和關於什麼的模棱兩可的不確定性是真正地毫不含糊的。 Let' s輪它在另一個方式附近： 模棱兩可是現實，並且模棱兩可僅僅是一個特殊情况它，其中我們最後设法迫使采取某一特別方面。
用Babylon
我認為人們獲得它倒了,他們說這是毫不含糊的現實和模棱兩可僅僅是不知道什麼是真的很明確。 讓我們把它周圍的其他方式:含糊不清是現實和含糊不清是僅僅是一個特別的個案,在我們最後管理,牽制一些很特別的。

你明唔明?? 結論係: 學生唔好靠網上翻譯/字典，錯到九彩!! 做翻譯既人唔使驚…住!!
原文:
I think people get it upside down when they say the unambiguous is the reality and the ambiguous merely uncertainty about what is really unambiguous. Let's turn it around the other way : the ambiguous is the reality and the ambiguous is merely a special case of it, where we finally manage to pin down some very special aspect.

賣柑者言

賣柑者言
作者 : 劉基
元朝，在杭州，有一個賣水果的小販，他非常會儲藏柑橘，他可以將柑橘收藏一整年，還完好如初。如果我們把柑橘拿出來一看，會發現他的外表色澤依然鮮艷光彩，向玉一樣晶瑩滑潤，皮色就像金光一樣燦燦亮亮的，問題是，如果我們把柑橘剝開來一看，裏頭的果肉竟然枯乾的像破敗的棉絮一樣。
劉基覺得這樣做生意不太對，所以就跑去質問小販，那個賣水果的笑了笑回答他說：“我這樣賣柑橘已經好幾年啦，就靠這點小生意來過活，我賣它、客人買了它，從來我也沒聽說過什麽閑言閑語的，怎麽就偏偏您這麽不滿還憤憤不平呢？我告訴你，這世界上騙人的事可多著呢，又不是只有我一個，我說這位先生您倒是看看，現在那些啊佩戴虎符、坐在虎皮交椅上的威嚴武將們，個個看起來就像真的在保衛國家，問題是，他們有幾個真的像以前的武將，孫武、吳起那樣有膽識謀略的呢？而那些峨冠高帽的文臣，從外表看起來就像氣宇軒昂治理國家的好人，問題是，他們有幾個像古代的賢臣伊尹、臯陶那樣真的能夠建功立業呢？當盜賊四起時，他們不知道要防禦；當百姓被生靈塗炭時，他們不知道要拯救；當官吏貪贓枉法時，他們又不知道要禁止。我說這些文武大臣真是白拿俸祿耗費國庫，不知羞恥啊，可是他們每天還是坐高堂、騎駿馬，好酒好肉的不務正業，你看他們還是一幅威風八面、氣勢顯赫人模人樣的不可一世，他們個個不都像外表金如玉，內裏如破敗的棉絮的柑橘嗎，怎麽您對這些現象視而不見，卻專門來挑剔我的柑橘呢？”
劉基被賣水果的這一番話說的是啞口無言，不知道該怎麽反駁，後來他仔細回想一下賣柑者的話，他發覺這個人可能根本就是一個憤世嫉俗的人，他只是借賣柑橘來諷刺世俗跟時事。

似唔似我地既政府?? 似唔似現今既香港人??

資訊

你覺唔覺，每次閒著，好自然開著部電腦，click下click下，唔知想搵D咩睇咁....轉眼，時間好快就流失!!! 電視都係，開著部電視，其實冇咩想睇，轉下轉下台!! 有3G之後，手機都係!!出街就聽著MP3!!
如果有一日，冇哂電腦電視手機MP3，生活會係點呢???
依家去旅行都帶電話，去到店唔識聽唔識睇都開著部電視!!
我地好需要D資訊???
我地有冇辦法消化咁多資訊???
定係我地真係咁怕靜?? 咁怕孤獨??
冇娛樂冇消遣冇節目冇工作既日子，點過??
盡量遠離資訊，又可以嗎??
資訊發達真係好處嗎??

書展2009

今年都有去書展。
未去之前，報紙雜誌不停攻擊，去過之後我又唔係覺得咁差。我選擇左夜市既一晚去。又唔見好多fans，又唔見好多寫真集，亦唔算好迫，可以行一轉睇完先番轉頭買!!往年個個出版商都賣同一樣主題既書，做到爛做到死做到冇人買。今年都唔係好覺!!雖然書係少左，但樣樣都有都唔錯喎!!
同太太晚上八點到，十一點離場。買左五百幾蚊。算係消費最小既一次!!買左勞思光既《歷史之懲罰》《中國文化要義新編》《家國天下：思光時論文選》， 季羨林既《牛棚雜憶》同張五常既《賣桔者言》。

人生第一次當風更

之前o係時代，都係要當風更。但唔知係好彩定唔好彩，八年都未當過風更。一係排得後，得四個八號風球我排第五，一係我排得前但冇風打!!之後去恒隆根本唔使當風更。所以從來都冇當風更既經驗....今次係人生第一次當風更，仲要星期六十一點半先黎.....真係冇引!!

多行不義必自斃

在facebook，舊手下森仔留言俾我(回應我既留言).......
「sir....呢輪成日見你係到呻,,有句說話想贈一贈你:::(昨日因,,今日果),,,有時問多的去做一做善事la.^O^」
昨日因,今日果.......，佢係唔係暗示我多行不義必自斃呢??
昨日因,今日果.......，昨日我做左好多壞事咩???
定係，佢叫我如果想將來好，今日就要種善因呢???
至於佢回應我既留言，我原本既留言係:「禍兮福所倚，福兮禍所伏。」
我呻咩呢???
到底佢明唔明呢??

致加西亞的信

你有冇睇<致加西亞的信>，在有史以來在世界最暢銷書排行榜中列第6名的一本書，一本我心目中既垃圾....
該書主要記述了這樣一件事情：1898年美西戰爭期間，為了盡快與西班牙反抗軍首領加西亞取得聯繫，美國總統麥金萊給他寫了一封信，但是加西亞深處古巴山林中，沒有人知道他的確切位置，因此，送信給他似乎是不可能完成的任務。 當時有人向總統推薦了一位叫安德魯·羅文的年輕中尉。 羅文接到任務後立即出發，沒有提任何條件，沒有抱怨任何困難，甚至連“加西亞在什麼地方”、“在哪裡能找到加西亞”這類問題都沒有問。 最後他歷盡艱險，終於完成了使命。
書批/推介話書中主人公羅文所表現出來的敬業、忠誠、堅韌、勤奮、勇敢的精神值得好習...
我睇左本書,....覺得書中主人公羅文好底能，...咁重要既一件事,佢冇諗過點做(因為加西亞在什麼地方, 在哪裡能找到加西亞佢都唔知道)，做唔做到都唔知但佢應承去做!!!任命佢既又係另一個底B!!!
羅文應承之後，帶著信行出門口，就俾人捉上馬車，佢唔知俾人帶去邊但又唔問....行到唔咁上下，佢跌左落車，但冇人知又冇人理。漫無目的行行下，佢又俾人捉上船，依舊，唔知俾人捉去邊又唔問，傻下傻下落船，又俾人捉上馬，.....之後帶到加西亞面前，完成了使命。
夠底能未??有咩好學習??
暢銷書唔代表好書，可能只係代表好多人好底能，包括買左呢本書既我!!!

九把刀

呢段時間,有時間,但冇野做,...買左幾本書睇,台灣好受歡迎好紅既作家 – 九把刀!!
大家都係用中文,但我真係唔係好明。
我是個很鳥的作家<----點解?? 咩叫做"很鳥"??
呢D係唔係台灣式中文!!
九把刀自己寫既Blog集結成書,更加不知所為!!文字狗屁不通,又多粗口,言中無物!!
「我很愛我女朋友,...很愛,很愛,很愛.......(寫一百次)」(書中有一半講呢樣野,... 但你又完全feel唔到,....淨係不停重複很愛很愛很愛很愛很愛.....好膚淺!!)
「我今天挖了一塊很大的耳屎......(影埋俾你睇)」
「我今車壞了......(好大編幅講去邊度整)」
…....比日記還要差,書名「人生就是不停的戰鬥」同內容完全冇關,.....還有本下冊「不是盡力，是一定要做到 」相信都係搵笨之作!!
還有兩本小說「功夫」同「少林寺第八銅人」,.....
前者入選香港中學生<好書龍虎榜>十大好書,...但故事好唔合邏輯,睇完都唔明!!!
後者都係普普通通,....一期完,....寫多D都驚佢寫唔到!!!未到尾都已經唔想睇....
佢話自己寫小說可以一邊聽歌,一邊睇電視,一邊講電話,一邊打機!!所以睇佢寫既小說,覺得冇咩伏筆,....諗到咩就寫咩.....
唔明??? 靠咩咁紅呢!!?

遇上翻版迷人

星期日,工人放假,得番我同爸爸。晚上去大家樂食飯!!賣飛既女孩子,好似朋友迷人。樣其實少少似,估大約70%相似。但神態就好似好似,...尤其係你同佢講講下野,佢突然唔知望左去邊,定哂,似諗緊野,又似神遊物外.....一會兒,佢又番黎喇!!當然,期間我同佢講乜佢係唔知喇....!!
好奇怪!!
到底世上會唔會有性格100%相同既人呢??

老師的特質

打電話俾朋友Jason,問下佢個仔出左世未!!佢話出左世喇!!真係恭禧哂!!好開心!!我都好想生多個.....!!但係冇就係冇.......
跟著,好自然問下佢個仔幾時出世,...Jason既答案仲係好驚喜!!
「下?唔係好記得喎!!好似係25號,又好似係26號....唔係唔係,係25號.....定26號呢?」
哈哈哈.....唔緊要喇!!識Jason既朋友都應該見怪不怪!!
我太太話Jason係唔係真係做老師架!!佢好似傻下傻下咁,做野又亂哂籠咁!!
其實老師有咩特質??點先算係一個好老師??
哈哈哈.....唔知呢!!Jason係博士黎架,....學術上方面絕對不用懷疑!!但現實生活又係另外一回事!!我覺得日常生活方面安排得好D,佢會輕鬆好多囉!!

火

我本身唔係一個咁鐘意發脾氣同鬧人既人。唔係我唔夠惡,只係覺得發脾氣通常都於事無補,又傷害自己!!鬧人更加係人地做錯事由我黎生氣受罰。
但係最近,好好火!!唔知點解,好似發癲咁,好暴躁,...少少事都好煩!!!
完全靜唔到落黎,....一件事未完未解決,第二件事又黎,....跟著第三第四....繼續繼續黎!!
身邊既人,...我話埋俾佢地知點做,又點??係唔聽你講,...你好叻咩??我點解要聽你講!!最後衰左,就將個波交番俾你!!
我需要放鬆.......抽離.....!!

退休

七月一日，爸爸番工既時候，佢老細叫佢退休。咁，難聽D講，即係炒!!
呢D舊式公司，話炒就炒，少少都冇得賠….
爸爸番到黎屋企，好down….!!!
日日在家呆坐既日子點過??
爸爸正式退休,...咁我以後係唔係要養埋o個個三十幾歲,搵兩萬幾蚊一個月但一毫子都唔俾屋企,白食白住既廢物呢??係唔係要仔女都唔養先養佢呢???係唔係養佢一世呢??
爸爸話佢話佢冇錢,....佢冇錢難道我有?? 佢兩萬幾蚊一個人洗話冇錢,我兩萬幾蚊七個人洗就有錢????
佢又厚顏無恥,繼續白食白住,繼續叫工人唔好理BB黎服侍佢,繼續開二十個鐘頭唔睇,....繼續.....
到底係唔係想聯手迫死我???
如果我死,我都先殺死佢,為家人除一大害!!

自食其果

個女既污穢混亂房間,滿地垃圾/作業/文具,危機四伏!!叫佢清理已經有一年,....完全冇改善,...垃圾房比佢間房仲要整潔!!
終於令佢自食其果,昨日如常踩住垃圾/notes入房,點知notes底下仲有把鉸剪,....就係咁將腳掌刺穿,.....傷口有半吋!! 咁點?? 喊囉!!冇野識做架喇!!點樣止血點樣處理傷口...乜都唔識架!!
...唉!!幫佢止過血後,仍舊冇清理間房既意圖,踩住帶血既notes,...繼續死屍一樣訓o係度,...
迎接著第二次受傷。

不重生女重生男

個女放暑假，頭痛，惡夢！！
試想，一個十幾歲既年輕人，放暑假，每日就好似死屍咁訓o係度，加埋長開冷氣既房間，殮房一樣！
由我番工，訓到我放工，乜累得咁緊要呢？？
叫佢學野，或者參加暑期活動！咁，學校一百幾十蚊既暑期活動佢唔去(因為cheap)，選擇八百幾蚊 一星期既溜冰課程，千幾蚊既日語課程！
Okay!!我都想睇下佢學D咩番黎!! (佢好底能咁以為聽下日文歌，睇下日文漫畫就學識日文！)
佢話將來要去日本讀大學，我話佢咁大個都唔識照顧自己，點去？
佢好認真又驚奇咁話: 「乜你地唔係過埋去照顧我咩！？」
有個女，要包生養死葬，連我老婆都話後悔!! 如果再生女都唔要!!
唉!!.... 最可怕係，港女(Y Generation, 1988年至2000年出生的人)唔係一個special case，係一種風氣，個個都係咁，物以類聚，要改變…..Mission Impossible!

清官難審家庭事

與朋友雀局，局後同朋友吹水，朋友訴苦，話老婆成日懷疑自己去滾，成日要check住!! 一日打幾十個電話check住!! 朋友自己係生意人，傾生意飯局真係工作既一部份。成日要check住，幾分鐘一個電話要報告位置，要隨傳隨到去接佢，電話裡一聽到朋友附近有女人聲就發爛渣!!(無論工作定外出，周圍唔係男就係女，有女人聲有幾奇)，就算兩公婆同朋友(如小小力一家)一齊出黎食飯，一個唔高興就發爛渣叫走人，一D面都唔俾!! 佢自己去見朋友就得，你就唔去得!!令到朋友依家得失哂行家, 合作伙伴同朋友!! 以懷疑朋友去滾為藉口，連家務都唔幫手做!!
唉!!朋友冇去滾，小小力百份百相信!!咁點解仲要咁就佢呢??就係怕煩怕爭吵!!結果問題就越黎越嚴重…!! 到抵係唔係真係懷疑朋友去滾，定係藉口發小姐脾氣，真係冇人知!!但小小力覺得，兩個人相處連基本既信任都冇，條路仲點行落去…. 我係佢我會離婚!! 我老婆都係咁話….
但…. 清官難審家庭事，我冇建議朋友離婚，聽完佢訴苦水就算喇!!

三輸

梅窩居民在諮詢會反對正生書院遷入，取態之激烈，引起社會廣泛關注和討論。許多人對出席諮詢會的正生學生遭到奚落，都寄予同情。正生書院能否遷入梅窩，幫助更多誤入歧途的青少年，還待事態發展。不過，由這件事，使人警覺到政府雖然宣稱要打贏禁毒戰，但是在協助青少年重返社會的政策部署上，卻忽略了例如正生書院這類教育機構的功能。
前日在諮詢會上，出席的梅窩居民群情洶湧，會場氣氛恍如批鬥大會。正生書院20名學生靜靜地坐着，飽受言詞攻擊，個別學生嘗試游說居民，但是被「噓聲」嚇至眼淚奪眶而出；另外，出席諮詢會的梅窩小朋友，拿着「出外返學四小時，原區就讀最適宜」、「Local School for Local Needs」等標語，隨着成年人反對正生書院遷入，小朋友是否知道事態的性質，若他們被蓄意「誤導」，則家長對於這些小朋友，會是很壞的示範。

一個政策，有份參與既三方(梅窩居民，政府，正生書院學生) 都輸哂!! 真係高難度!! 呢D咩官員黎架!? 共渡時間減得5%人工實在太少!! 人工同能力差距太大!!

百厭星

我個仔永強係個百厭星，好多人都知，但有幾百厭呢??
番到貴州，我個仔要坐電單車，要跳彈床，都算喇!!(我都估唔到佢識跳彈床)
去到太太二家姐屋企，唔知點解俾佢開左部蒸餾水機，水浸廚房。
丟左一部手機落煲湯度!!
丟左一部手機落垃圾桶!!
搵支煙同煙灰餵太太二家姐屋企隻龜…
打爛左太太二家姐屋企瓶泡菜，成地都係泡菜!!
唔著片去爺爺張床尿尿!!
丟左二家姐屋企自動麻雀機D雀機!!(搵唔到)
整壞左二家姐屋企部60吋電視!!(我個仔屋企係屋企識用remote架喎! 仲識用八達通!)
o係街追狗狗黎打…. 藥材店老細養左隻貓，個老細話隻貓狗都唔驚，但見到你個仔驚都震哂!!
請街上D小朋友食餅，跟著用暴力將小朋友個口打開，取回餅餅自己食!!
搶街上D小朋友D食物同玩具，搶完仲要打人，小朋友喊仲要鬧人!!
見到女BB就自己行去Kiss Kiss…..
爸爸打仲笑，伸隻手俾你打多幾下….
百厭到呢!!

睇電視

有線星期六晚既<王晶事變>幾好睇,節目係主持引導現場觀眾討論歷史問題。我覺得可以用一個更輕鬆同創發思考既態度去學歷史,比起為考試去讀歷史,真係有趣得多!!
我想同個女一齊睇,但佢完全冇興趣......
可惜......

人比人

「人比人,比死人 」
在人類群體生活裡面,人同人比較真係在所難免。自己比唔上別人,亦難免唔開心,...何況比唔上人既係自己兒子,心裡可能更加難受.....點樣去平衡呢種心態呢!?
太太朋友個仔,同BB一齊上堂o個個,....已經番左學兩個月,仲係冇乜進步,冇乜反應咁!!
基本上佢就係坐o係度唔郁,無論唱歌,跳舞,玩遊戲都唔郁!!老師都冇佢辦法,.....媽媽都冇佢辦法,...因為好重,真係拉都拉唔郁!!最叻就係食飯,...食好多飯(多過我),如果我B仔中碼,....佢就係加大碼!!醫生都叫佢減肥.....我睇到都好想幫佢!!但佢媽媽話每次都話:「佢其實好醒好叻,o係屋企!!...完全係另一個人黎!!」咁,我仲可以點呢??係唔係比唔上別人真係咁難接受???寧願選擇回避都唔選擇面對???
在東涌,都係咁,....有個BB,大過我B仔兩個月,....未識行!!其實冇咩大不了,每個人既成長階段都唔同,但佢媽媽周圍同人講:「 佢其實好醒好叻,行得好好,...不過我驚佢跌唔俾佢行之嘛!」....係唔係比唔上別人真係咁難接受???如果做父母都係咁要面唔輸得,孩子將來又會係點呢??
我自己都成日將B 仔同其它BB比較,....唔知自己既反應又係點呢??自己有時真係睇唔到自己...!!
所以,我覺得朋友係我自己一面鏡,讓我睇到自己既不是!!亦時常提醒自己,最重要唔係BB點樣贏,而係點樣面對輸.....

冇書讀既日子

好快又一個月,冇書讀冇學番既日子都好悶下。
永強(B仔)已經十五個月大,感覺佢既進步冇之前咁快。同比佢細三個月既BB差唔多。多左時間陪永強,感覺佢百厭同古惑左好0多。點解咁講呢??平日佢自己好鐘意入廚房玩,去垃圾筒玩垃圾,開櫃玩碗碗碟碟....但爸爸(我)o係屋企,佢就唔敢入廚房,企o係廚房門口大聲叫都唔入!!平日差不多到爸爸收工既時候佢就自己由廚房走番出黎!!屋企人都話佢「扮哂野」....我感覺原來太太係冇佢辦法,打,鬧,呢D衰野都係我呢個爸爸做,玩同食野就係媽媽做,...係唔係父母都係要一個做好人,一個做衰人??點解要我做衰人呢??
番工又唔會特別忙特別多野做,一份還原報價由二月玩到六月都未玩完,效率之底都真係聞所未聞,最難得老細仲話我做咁快為乜!!咁我得閒又買下股票囉,原來老細都係咁,...真係..
黎緊星期日,太太又要同永強番貴州一個月,.... 真係悶上加悶!!
咁苦悶既日子仲要維持幾耐呢??